بر صغیرِ ہند میں باالخصوص اور پوری دنیا میں باالعموم علامہ اقبال کی نظموں اور اشعار کو جو پزیرائی حاصل ہوئی ہے وہ شاید کسی اور کے حصے میں نہیں آئی ۔بعض لوگ مطلب اور مفہوم کو سمجھتے ہیں اور اس کا حق بھی ادا کرتے ہیں جب کہ اکثریت ایسے لوگوں کی ہے جو اپنی تقریروں اور تحریروں میں چار چاند لگانے کے لیے علامہ کی شاعری کا استعمال کرتے ہیں لیکن علامہ نے جس درد اور جس فکر میں ڈوب کر یہ اشعار کہے ہیں وہ پسِ پشت رہ جاتا ہے۔